Talumpati Sa Pagtanggap Ng Nobel Prize Para Sa Literatura 2002

Talumpati sa pagtanggap ng nobel prize
para sa literatura 2002
Imre Kertesz
Isinalin ni Cristina Dimaguila - Macassas
Mula sa Hungary

1. Pagkilala Sa May Akda.

     Ang may akda na si Imre Kertesz ay sumulat ng ganitong klase ng talumpati upang magbigay ng impormasyon at katotohanan tungkol sa Holocaust. Ibinahagi niya rin dito ang kaniyang patuloy na pagharap at paglaban sa mga pagsubok na kadalasan ay sanhi ng mga tao. Ang mga hindi magagandang bagay na kaniyang nasaksihan at naranasan ay ninais niyang ipahayag upang makapagbigay babala na maging maingat at magpaalala na ang kapwa ay hindi dapat gawan ng masama. Nais ng may akda na ipabatid kung gaano kasama ang mga Nazi sa kanilang kapwa tao. Ginawa ito ng may-akda upang kapulutan ng aral ang kaniyang mga karanasan at maging hudyat ng pagbabago sa lipunan.

2. Uri Ng Panitikan

Ang akda ay isang talumpati. Ito ay isang anyo ng sanaysay na nagpapahayag ng mga kaisipan tungokl sa isang mahalaga at napapanahong isyu o paksa sa paraang pasalita sa harap ng mga tagapakinig. Ang talumpating ito ay may damdaming malungkot dahil sa paghihirap ng mga taong dumanas ng Holocaust. Ngunit ang akda ay may himig na pag-asa. Sa kabila ng mga hindi magandang pangyayari, kakikitaan na ang may-akda ay nagsumikap na bumangon at magpatuloy sa buhay

3. Layunin Ng Akda

Ang talumpating binigkas ng may-akda ay may layuning makapagpaliwanag ng kabalintunaan tungkol sa Holocaust. Layunin din nitong ilarawan kung gaano kahirap ang pagmamalupit na dinanas ng mga tao sa kapwa nila tao. Mahalaga ang ganitong klase ng talumpati dahil tinatalakay nito ang mga hindi magandang pangyayari sa mundo na dapat itigil at baguhin. nais ding ipabatid ng akda na anumang pagsubok ang harapin, mahalata na huwag sumuko at matapang na harapin ang mga problema.

Paglalapat Ng Teoryang Pampanitikan:

Historikal - ''Hindi kailanman nagbago ang aking opinyon na ang Holocaust ay dusa ng kabihasnang Europeo. At ito ay nagiging maselang paksa, isang diskusyon na kung ang dusang ito ay magpapatuloy bilang kalinangan o sakit sa pag-iisip, sa nakabubuti o nakapipinsalang anyo sa mga lipunang Europeo''

Klasismo - ''At tinanong niya : ano ang kaniyang iiwan, ang kaniyang espiritwal na pamana? Napayaman ba niya ang kaalaman ng tao sa kwento ng kaniyang pagdurusa? O naging mapagbatang saksi lamang siya sa hindi mailarawang pag-aalis ng dangal ng tao, na walang idinulot na aral at marapat kalimutan sa lalong madaling panahon?''

4. Tema o Paksa Ng Akda

Ang tema ng talumpati ay nagpapakita ng pag-asa. Ito ay napapanahon sapagkat hanggang ngayon ay nakararanas pa rin ng hirap ang mga tao sa iba't ibang bansa partikular na dito sa Pilipinas hindi lamang sa bansang pinagmulan ng talumpati. Nagaganap pa rin ang mga pagpatay na nakapangingilabot dito sa ating bansa kaya't napapanahon ang usaping ito. Ipinakita rin dito ang pagbangon ng mga biktima ng Holocaust at inihayag din na ang pag-ibig ang kaniyang dahilan upang ipagpatuloy ang kaniyang buhay.

5. Mga Tauhan / Karakter Sa Akda

Ang persona ay siya mismo ang nagsasalita sa talumpati. Gumamit ng unang persona upang ibahagi ang kaniyang naranasang paghihirap nang panahon ng Holocaust na naganap sa kanilang bansa. Paulit-ulit niyang nasasalamin ang mga pangyayari sa kanilang lugar at kahit mahirap ay ipinagpatuloy pa rin niya ang kaniyang buhay nang dahil sa pag-ibig

6. Tagpuan / Panahon

Ang tagpuan ay naimpluwensiyahan ng mismong may-akda sapagkat sarili niyang karanasan ito kaya't masasabing ito'y makatotohanan. Mahigit dalawang dekada na ang nakalipas ng ihayag ito ngunit ang mga pangyayari sa talumpati ay nagaganap at nararamdaman parin ng mga tao sa kasalukuyan at ito ay nagpapatunay ang talumpating ito ay napapanahon.

7. Nilalaman O Balangkas Ng Mga Pangyayari

Ang mga pangyayari sa akda ay makatotohanan. Kung ikaw ay magbabasa at habang patagal ng patagal ay makikita mo ang nais ipabatid ng may-akda na ang kainyang akda ay nagaganap parin sa kasalukuyan. Ang mga pangyayaring naganap sa akda ay pawang mga katotohanan at walang likhang-isip. Nagbigay aral din ito na kahit ikaw ay nakaranas isang matinding sitwasyon na may kinalaman sa iyong buhay ay dapat lamang na ipag-patuloy mo ito dahil ito ay iyong pangalwang pagkakataong mabuhay.

8. Mga Kaisipan O Ideyang Taglay Ng Akda

Ang talumpati ni Kertesz ay nagpapahayag at nagpapaliwanag ng mga tunay na pangyayari na naganap sa Holocaust. Inihayag siya akda ang mga totoong karanasan ni Kertesz na naging sanhi ng malaking pagbabago sa totoong buhay niya. Ang kaniyang mga nasaksihan at personal na karanasan sa Holocaust ay nagdulot sa kaniya ng kalungkutan at sakit. Ngunit ito ay buong tapang niyang hinarap at pinaglaban. Ibinahagi niya sa akda na ang pag-ibig ang tumulong sa kaniyang magpatuloy sa buhay. Batay sa akda, ang pagkakaiba-iba ng mga kaisipan, Ideya at opinyon ng mga tao ay maaaring maging sanhi ng isang malagim na pangyayari. Ang akda ay naglalayong magbigay impormasyon tungkol sa mga tunay na pangyayari sa mundo, Magbigay paalala na ang pagsubok ay dapat hinaharap at hindi sinusukuan, at maglahad ng mga kaisipan na maaaring makapagmulat sa ating kaisipan. Nais ng may-akda na magsilbi siyang halimbawa sa mga taong may kinakaharap na problema. Hindi siya sumuko at nagpatuloy mamuhay sa kabila ng lahat ng kaniyang dinanas.
Ang mundo at ang mga tao ay sadyang mapagmalupit ngunit hindi ito sapat na dahilan para ang ating pagkatao ay mawala.

9. Estilo Ng Pagkakasulat Ng Akda

Ang estilo na ginamit ng akda ay ang pagpapahayag o pagkukuwento nito sa pagtatalumpati. Para sa amin isa itong masining na pamamaraan sapagkat naipamalas ng may-akda ang nais nitong ipakita na emosyon patungkol sa nararanasang pagpapahirap ng Holocaust ng mga Tiga-Israel. Epektibo ito dahil malinaw na pag papahayag ang pamamaraan na pagsulat ang ginawa ng may-akda at makikita mo talaga ang tunay na karanasan ng mga taong naka paloob dito,

10. Buod

Kahit na kilabot at pagpapahirap ang Pinaranas ng Holocaust sa mga tao sa Israel, namayani ang paniniwala sa Diyos at nagpakatatag dahil sa pagmamahal.

Isinuri ng pangkat nina :
Manangan, Gannod, Lim, Co, Bautista at Cunanan

"Ang Kwento ng Batang Suwail"

"Ang Kwento ng Batang Suwail" ni Mark Twian

Isinalin ni: Maria Gonzaga - Merida
Mula sa: Estados Unidos
Sinuri ng: Pangkat 2, 10-Uranium



Mark Twain

• Gusto ni Mark Twain na maiba ang kanyang akda sa mga akdang nabasa at alam na ng karamihan.
• Ang Kwento ng Batang Suwail ay inilathala sa California magazine noong 1865

Uri ng panitikan

• Ang kwento ng suwail na bata ay isang maikling kwento dahil isinalsalaysay ang isang mahalaga at nangingibabaw na pangyayari sa buhay ng pamgunahing tauhan at nagiiwan ng isang kalintalan sa isip ng mambabasa

Layunin ng akda

• Mahalaga ito upang maipakita ang realidad na nangyari. Nanghihikayat ito upang mas maipakita at mas maipaintindi ang pag uugali ng isang suwail na bata sa mga mambabasa

Paglalapat ng teoryang pampanitikan

• Realismo - "Siya ay kumapit sa patalim.  Naging mayaman siya sa pandaraya at pandarambong." Ito nagpapatunay na ito ay realismo.

Tema o paksa ng akda

• Ito ay tumutugon sa sensibilidad ng mga mambabasa at ito rin ay napapanahon. Ito ay tumutugonsa sensibilidad ng mga mambabasa dahilmay isinulat na akda ng may akda ay tungkol sa batang suwail at maaari itong tumugon sa sensibilidad ng mga mambabasa lalo na kung ang mmga mambabasa ay mga bata o nakakaangkop sa kwento. Ito rin ay naapanahon sahil kung ang mga bata noon ay nagpapagsabihan pa kumpara sa panahon ngayon

Tauhan

• Ang tauhan sa kwento ay si Pedro at si Jose, Si pedro ay isang suwaling bata na mahilig mg nakaw ng gamit at pagkain, Si jose ay isang mabuting bata masunurin sa kanyiang ina, Nagsisinungaling, Masigasig sa mga aralin sa eskuwela, At malimit mag aaral ng katekismo.

Tagpuan at Panahon

• Maraming tagpuan sa kwento, isa ay umakyat si pedro sa puno ng mansanas para magnakaw ng prutas, isa pa ay Sa kainan, kakainin ni pedro ang mga halaya Pagkatapos pinuno niya ang bote ng alkitran para hindi mahalata.

Nilalaman O balangkas ng pangyayari

• Hindi gasgas ang kwentong ito dahil kakaiba ang kwentong ito sa mga binasa ko at maraming kakaiba sa mga pangyayari dahil sa ibang binasa kong kwento kadalasan, ang mga tauhan ay minamalas hindi katulad ng kwentong ito.  Para sa akin, ang kwentong ito ay bago dahil kahit gumagawa siya ng masama ay hindi padin siya minamalas bagkus sineswerte padin sya. Sinimulan ng akda noong siya ay bata pa hanggang tumanda na siya.  Ang natutunan ko sa kwentong ito ay may mga bagay na hindi makukuha sa madaling paraan. 

Mga Idelohiyang taglay ng akda

• Hindi lahat makukuha sa madaling paraan at hindi lahat ng  oras kasa mo ang suwerte. 

Estilo ng pagkakasulat ng may akda

• Naging mabisa ang paglalahad ng kwento ng may akda, sapagkat hindi ito ang pangkaraniwang kwento na nababasa ng mga mambabasa, kakaiba ito at nagpapakita ng kasiningan sapagkat ang uri ng ganitong kwento ay hindi masyadong ginagamit ng mga manunulat. Maayos na nailahad ng may akda ang gusto niya na maipakita sa kwento at ito ay lubos na naiintindihan. Walang ipinakita na pagkampi o pagpanig. Sa paglalahat, ito ay dapat mas gamitin nang estil ng maraming manunulat dahil isa ito sa mga nakakaaliw na mga akda na aming nabasa.

Buod

• Ang nilalaman ng ''kwentong batang suwail'' ay ang pagkukwento ng manunulat tungkol sa kwento ng isang bata na hindi dinadapuan ng kamalasan kahit sobrang dami ng mga kasalanan na kanyang nagawa, bagkus ang nangyayari sa pa kanya ay lagi siyang sinuswerte. 
• Ang kwentong ito ay hindi karaniwang pinapakita sa mga libro, sapagkat ito ay kabaligtaran ng lahat ng uri ng kwentong kinakapulutan ng aral.

PAGSUSURI SA TULANG ANG AKING PAG-IBIG

Pagkilala sa May-akda

Sa tingin namin, ang nagudyok kay Elizabeth Browning sa paggawa ng mga tula ay ang kanyang asawa at pamilya, makikita naman natin sa tulang “Ang Aking Pag-ibig, ito ay punong puno ng emosyon at pagmamahal. Isa si Elizabeth sa pinaka matayog na manunulat ng tula sa kanyang panahon

Uri ng Panitikan

Ang uri ng panitikan ay tula. Naipapakita ang paggamit ng matalinghagang salita. Ang aking pagibig ay isang uri ng tulang soneto. Kaya itonaging soneto dahil ito ay may labing-apat na taludtod at may sukat na sampung pantig ang bawat taludtod.

Layunin ng akda

Ang layunin ng may akda ay iparating ang kanyang wagas na pagmamahal.

Paglalapat ng teoryang pampanitikan

Mailalapat ang teoryang ROMANTISISMO sa akda dahil nangingibabaw ang pagibigsa paraan ng mga salita ng may akda. Mailalapat rin ang teoryang BAYOGRAPIKAL dahil maaring iniungkat ang tulang ito sa karanasan ng may akda.

Romantismo: “Ibig mong batid” , “Ibig mong malaman kung paano kita pinakamamahal”,”Iniibig kita nang buong taimtim”, "Sa tayog at saklaw ay walang kahambing”, “Pag-ibig ko’y isang matinding damdamin”, “Tulad ng lumbay kong di makayang bathin”.

  Bayograpikal: “Yaring pag-ibig ko’y katugon,kabagay ng kailagan mong kaliit-liitan”, “laging nakahandang pag utos-utusan, maging sa liwanag, maging sa karimlan”, “Yaring pag-ibig ko ay siyang  lahat na, ngiti, luha, buhay, at aking hiningan”.

Tema o paksa ng akda

Ang paksa ng akda ay ang pagibig ng may akda sa inaalayan niya ng tula, isinasaad niya ang kalaliman ng kanyang pagibig. Makabuluhan ito dahil naiparating ng tula ang mensahe ng tula at napapanahon ito dahil bilang na lamang ang mga tulang pagibig na ganto katalinhaga ang mga salita.

Mga tauhan/karakter sa akda

Ang persona ay tumutukoy na nagsasalita sa tula. Gumamit ng unang panauhan ang may akda upang ihayag ang pagmamahal sa kanyang kasintahan.

Tagpuan/panahon

 Isinulat ito sa bansang Inglatera. Dati pa ito isinulat nguinit ang diwa at kahulugan ng tula ay maaring iugnay sa nararanasan ngayon.

Nilalaman o balangkas ng mga pangyayari

Ang nilalaman ng tula ay ang kanyang pagmamahal sa kanyang kasintahan.

Mga kaisipan/ideyang taglay

 Ang akdang nabasa ay maihahambing din sa totoong buhay dahil lahat naman tayo ay umiibig.  Ang kaisipang ideya nito ay naparamdam ng sumulat ng akda ang kanyang masidhing nararamdaman sa kanyang iniibig at naibahagi sa kanyang mga tagabasa.

Estilo ng pagkakasulat ng akda

Napakaepektibo ng paggamit ng mga salitang ginamit sa tula, dahil ito’y napakalalim at malikhaing mga salita. Kapag ito’y binasa ng mga mas nakakabata ay hindi ito masyadong mauunawaan dahil napaka lalim ng mga salitang ginamit rito. Pero para sa amin ito ay napakagandang tula para sa mga umiibig at naghahanap  ng pag-ibig.

Buod

Ating matutunghayan sa tulong ng aking pagibig ay ang pagmamahal ng isang tapat na umiibig sa kanyang iniibig na hahamakin ang lahat upang maiparamdam niya ang kanyang wagas na damdamin.

Pagsusuri sa "Sintahang Romeo at Juliet" ng Pangkat 4 ng 10 Uranium

Sintahang Romeo at Juliet

Isinalin ni Gregorio Borlaza

Mula sa Inglatera

Sinuri nila Claire Alfonso, Lester Suarez, Artemis Aldea, Charles Bernardo, Samantha Masias, Alfonso Paraiso (Pangkat 4 ng 10 Uranium)

• PAGKILALA SA MAY AKDA (Ito ay nangangahulugan ng pagsusuri sa pagkatao ng may-akda kundi sa mga bagay na nag-uudyok sa kanya na likhain ang isang akda.) 

Si William Shakespeare ay isang Ingles na makata, manunulat at dramatista. Siya ay itinuturing na isa sa pinakamahusay sa mga manunulat sa Wikang Ingles at tanyag sa daigdig sa literatura. Itinuturing siyang maestro sa paggawa ng mga soneta at dula.

Natuklasan ni Shakespeare ang likas na katangian ng isang inspirasyon at ang milagro ng sangkatauhan ay malinaw na kailanman naroroon sa kanyang isipan na inhahayag ang kagalakan sa papuri ng kagandahan ng kasintahan at pagpapahayag ng sangkatauhan, espiritu, katalinuhan at biyaya.

• URI NG PANITIKAN (Pagtukoy sa mga anyo ng panitikang sinulat sa himig o damdaming taglay nito.)

 

Ang pangunahing pinagkunan si Shakespeare para sa Sintahang Romeo at Juliet ay mula sa tula ni Arthur Brooke na The Tragical Historye of Romeus and Juliet, isinulat noong 1562. Maaring kilala rin niya ang popular na kwento ni Romeo at Juliet mula sa kwento ni William Painter na pinamagatang The Palace of Pleasure na isinulat bago ang 1580.

• LAYUNIN NG AKDA (Pagsusuri sa kahalagahan ng akda kung bakit isinulat. Layunin ba nitong magpakilos o manghikayat, magprotesta at iba pa.)

Ang akda ay may layunin na manghikayat sa atin na kahit anong mangyari ay huwag tayo sumuko, ipaglaban ang dapat ipaglaban kahit ano pa ang komplikado, huwag tayo mawalan ng pag-asa.

PAGLALAPAT NG TEORYANG PAMPANITIKAN

Mailalapat ang Teoryang Romantisismo sa akda dahil ang dulang ito ay nagpapakita ng pagmamahalan ng pamilya at ng magkasintahan at pagkalabas ng matinding emosyon ng dalawang tao.

Teoryang Imahismo, dahil sa mga tayutay mula sa dayalogo ng mga karakter, halimbawa nito ay sa linyang ang pag-ibig ko'y kasinlalim ng dagat ni Juliet na ang ipapakita ang labis na pagmamahalan nito mula sa kaniyang kasintahan.

Teoryang Sosyolohikal. Dahil may ugnayan ang pamilya Montague at Capulet kina Romeo at Juliet.

• TEMA O PAKSA NG AKDA (Ito ba ay makabuluhan, napapanahon, at mag-aangat o tutugon sa sensibilidad ng mga mababasa?)

 

Ang tema ng akda sa kwento ay makabuluhan dahil ito ay nagpapakita ng pagsisikap nang mabuti tiwala sa isa't isa, wagas na pagmamahalan ng magkasintahan hanggang sa kamatayan.

• MGA TAUHAN/ KARAKTER SA AKDA (Ang karakter ba'y anyo ng mga taong likha ng lipunang ginagalawan, mga taong di pa nalilikha sa panahong kinabibilangan o mga taong nilikha, nagwasak, nabuhay, o namatay.)

Ang pangunahing taauhan ay sina Romeo at Juliet na nag-ibigan at namatay. Ang iba pang tauhan ay ang kanilang pamilya na ang iba ay namatay dahil sa awayan ng magkaalitan na angkan.

Ang lahat ng ito ay ginawa lamang ni William Shakespeare sa kaniyang dula.

• TAGPUAN/ PANAHON (Binibigyang-pansin sa panunuring pampanitikan ang kasaysayan, kapaligiran at panahong saklaw ng isang akda bilang mga saksi ng kalagayan o katayuan ng isang indibidwal ng kaniyang kaugnayan sa kapwa at lipunan.)

Ang ginamit na lokasyon sa 'Sinatahang Romeo at Juliet' ay sa Verona, Italy, na matatagpuan sa Italy ito ay makasaysayan o matagal ng nangyari dahil sa lalim na salita na ginamit ni Shakespeare.

• NILALAMAN O BALANGKAS NG MGA PANGYAYARI (Isa bang gasgas na pangyayariang inilahad sa akda? May kakaiba ba sa nilalamang taglay? Dati o luma na ba ang mga pangyayari o may bagong bihis, anyo, anggulo o pananaw? Paano binuo angbalangkas ng akda? May kaisahan ba ang pagkakalapit ng mga pangyayari simula hanggang wakas? May natutunan ka ba sa nilalaman ng akda?)

Ang dulang Sintahang Romeo at Juliet ay hindi lamang tungkol kanila Romeo at Juliet kundi pati na rin sa kanilang angkan na matagal ng magka away. Ang pag-iibigan nina Romeo at Juliet ay nagwakas agad matapos ang kaguluhan na nangyari sa pamilya.

• MGA KAISIPAN O  IDEYANG TAGLAY NG AKDA (Ang isang akdang pampanitikan ay nagtataglay at nagpapaliwanag sa mga kaisipang umiiral, tinatanggap at pinapatunayan ng mga tiyak na sitwasyon o karanasan. Maaari ding ang mga kaisipang ito ay salungatin, pabulaan, magbago o palitan. Ito ba ay mga katotohanang unibersal, likas sa tao at lipunan, mga batas sa kalikasan, sistema ng mga ideya o paniniwalang kumokontrol sa buhay? Mahalagang masuri sa akda ang mga kaisipang ginamit na batayn sa paglalahad ng mga pangyayari.)

Ang mga kaisipan o ideyang taglay ng akda ay ang sumusunod;

- Ipaglaban kung ano ang gusto ng puso mo ngunit gawin ito na may respeto sa sarili.

- Sa pagmamahalan, hahamkin ang lahat huwag lamang ito masira.

• ESTILO NG PAGKAKASULAT NG AKDA (Epektibo ba ang paraan ng pagkakagamit ng mga salita? Angkop ba ang antas ng pag-unawa ng mga mambabasa sa pagkakabuo ng akda? May bias ba kaya ang istilo ng pagkakasulat sa nilalaman ng akda? Masinig ba ang pagkakagawa ng akda? Ito ba'y kahalagahang tutugon sa panlasa ng mambabasa at sa katangian ng isang mahusay na akda?)

Ang dulang ito ay may malalalim na ibig sabihin sa bawat linya na sinasabi ng mga karakter. Gumamit din ang akda ng mga tayutay upang mas mapalalim pa ang mga salita. Nakaayos din ito ng padayalogo o dulaan o mahabang kento.

• BUOD (Hindi kailangang ibuod nang mahaba ang istorya ng akda. Ang pagbanggit sa mahahalagang detalye ang bigyang-tugon)

Ang dulang ito ay patungkol sa pagmamahalan ng magkasintahan na ang pamilya ay magka-away, na nagibigan at namatay, at naging daan ito sa pagkakaayos ng dalawang angkan, Ang Montague at Capulet.

Pagsusuri sa Akdang ‘Araw na may Rebolusyon'

Pagkilala sa May-Akda

         Si Mansoura Ez-Eldin ay ipinanganak sa Delta, Egypt. Isang siyang mamamahayag at manunulat. Ang dalawang nobela na kanyang naisulat ay ang Maryam’s Maze at Beyond Paradise. Dahil isa siyang mamamahayag at naninirahan sa Egypt, ito ang naisip naming mga salik kung bakit niya naisulat ang “Araw na may Rebolusyon”. Sapagkat mismong niyang nasaksihan at naranasan ang mga pangyayari sa akda at gusto niya ibahagi sa iba’t ibang panig ng mundo ang nangyaring kagimbal-gimbal sa kanilang bansa.

Uri ng Panitikan

         Ang akda ay isang sanaysay na personal. Taglay nito ang mga katangian ng isang personal na sanaysay tulad ng ang may-akda ay parang nakikipag-usap,  naglalahad ito ng karanasan ng  may-akda at nakikilala ang personalidad ng may-akda.

Layunin ng Akda

        Ang layunin ng akda ay imulat at gisingin ang ating mga isipan sa realidad na kaya tayong  pagmalupitan o saktan ng ating gobyerno at kailangan nating ipaglaban ang ating kalayaan at katarungan na nararapat sa atin.

Paglalapat ng Teoryang Pampanitikan

       Mailalapat ang teoryang realismo sapagkat ipinapakita nito ang lohikal at praktikal na pangangatwiran sa pakikitungo sa tunay na mundo. Hindi itinanggi sa akda ang mga mapapait na nararanasan ng mamamayan mula sa kalupitan ng pamahalaan.  Ang ikalawang teorya naman ay ang teoryang bayograpikal dahil ang sanaysay ng awtor ay nagpapakita ng karanasan na nagbigay buhay sa karakter.

Ilang bahagi sa teksto na nagapatunay sa mga sinabing teorya.

Teoryang Realismo

• “Sinusubukan naming ipakita sa mga pulis na hindi kami kalaban, wala kaming hinihingi kundi aming kalayaan."
  
• “Sa kabila ng lahat ng ito, ang mga nagpoprotesta ay hindi nagpigil, bagkus pinaaalab ng palasak na matinding galit sa mabagal na pagtugon sa mga tao ni Pangulong Mubarak."
  
•   “Nais ng taong bumagsak ang pamahalaan!”
  

         Teoryang Bayographikal

• “Ang mga lokal na boluntaryo ay bumuo ng komite upang labanan ang mga kriminal, sa gitna ng puspos na damdamin na ang pamahalaan ay sa mga kaguluhan.”
  
• “Napaiyak ako nang marinig ang balitang 3 000 boluntatryo ang nagkapit-bisig paikot ng museong pambansa upang pangalagaan ito mula sa pagnanakaw at painira.”
  
•   “Hindi tayo maaaring manahimik sa nangyayari. Ang pananahimik ay krimen. Ang dumanak na dugo ay hindi dapat masayang.”

Tema o Paksa ng Akda

         Ang paksa ng akda ay ang hindi pagkakaisa at pagkakasundo ng mamamayan at pamahalaan. Makabuluhan ito dahil mamumulat ang mga tao sa ganitong pangyayari sa mundo. Napapanahon din ito dahil laganap ngayon ang kalupitan ng pamahalaan sa kanilang mga nasasakupan.

Mga Tauhan/Karakter sa Akda

         Ang persona na itinutukoy ay ang may-akda. Inihahayag niya ang karahasan at kalupitan na kanyang nasaksihan o naranasan kagaya na lamang na nabanggit sa sanaysay. Nais lamang nila ay makamit at ipaglaban ang ninanais na kasarinlan.

Tagpuan/Panahon

        Ang mapayapang pagpoprotesta ay sumiklab sa mosque ng Amr ibn al-As sa Old Cairo malapit sa Church of St. George at sa paglala ng rebolusyon at lumaganap na ang karahasan sila ay nagtungo sa Tahrir Square na kilala rin sa tawag na Martyr Square.

Nilalaman o Balangkas ng mga Pangyayari

        Kung susuriin mabuti ang sanaysay. Masasaksihan na ito ay may pangkalahatang persona na isa sa nagpapalawak sa kaisipan ng mga mambabasa. Ang ilang kaganapan nito, kung iisipin ay kapani-paniwala. Ang mga kaganapan sa akda ay dati pang nangyayari pero maaari pa rin naming mangyari sa kasalukuyang panahon.

Mga Kaisipan/Ideyang aglay

Maaaring naging batayan ng awtor ang mga sumusund na kaisipan o ideya:

•  Ang pagsasama-sama at pagkakaisa ay nagbubunga ng magandang resulta.
•  Kailangan natin ipaglaban ang karapatan at nararapat para sa atin.
•  Hindi magiging kasagutan ang karahasan upang makamit ang ninanais.

Estilo ng Pagkakasulat ng Akda

         Sa unang pahayag, hindi gaanong maintindihan ang takbo ng istorya ngunit kung patuloy itong binabasa mas lumilinaw ang ipinapahiwatig ng akda. Mas nauunawaan ng mga mambabasa  dahil hindi ginamitan ng mga simbolismo at imahe. Hindi rin gumamit ang awtor ng mga matatalinghagang salita.

Buod

        Naranasan ng mga taga-Ehipto ang karahasan at kalupitan na galing mismo sa kanilang pamahalaan. Hindi sila nagpatinag sa ginagawa sa kanila ng mga awtoridad dahil ipinaglalaban nila ang kanilang kalayaan. Marami mang namatay sa kanila, hindi sila sumuko at nanahimik dahil ayaw nila masayang ang mga dumanak na dugo at para sa kanila ang pananahimik ay krimen.

PAGSUSURI SA MITONG HARING MIDAS- URANIUM GROUP 7

1.PAGKILALA SA MAY AKDA

Edith Hamilton (August 12, 1867 – May 31, 1963)

Nationalidad:German

Pinanganak sa Dresden,Germany

Si Edith Hamilton ang kinikilala "pinakamagaling na babaeng manunulat ng klasika" dahil sa kanyang kahusayang pinamalas at naiambag sa mga akdang klasiko. Ang kanyang unang librong nalathala na "The Greek Way" ay sumikat at umani ng maraming papuri mula sa mga mambabasa. Sinundan pa niya ang naunang libro ng "The Roman Way", "the Prophets of Israel" at marami pang iba.

2.URI NG PANITIKAN

Ginamit ng may-akda ang Mito(mula sa Gresya) na isa sa mga matandang panitikan at ang mga karakter ay ang mga diyos at diyosa mula sa Gresya.

Ginamit niya ito upang ipahiwatig ang kanyang mga kaisipan tulad ng “huwag maging sakim o silaw sa pera”.

3.LAYUNIN NG AKDA

Layunin ng may-akda na iparating o ipahiwatig sa mga mambabasa na huwag tayong magpapasilaw sa ginto o maging sakim dahil hindi natin alam ang kapalit nito.

TEORYANG Pampanitikan

Mailalapat ang teoryang moralistiko sa mito. Ito ay teoryang naglalayong na ang isang akdang pampanitikan buhat ng mga kaisipang batayan ng wastong pamumuhay:pagtulong sa kapwa sa lahat ng oras,maging maingat sa pagpili o pagdedesisyon,hindi matutumbasan ng ano mang yaman ang tunay na saya.

  Mailalapat din natin ang teoryang klasismo sapagkat si Edith Hamilton ay isang kilalang manunulat ng klasika at ito ay isa sa kanyang mga gawa .

 PATUNAY SA MGA TEORYA

         MORALISTIKO:

  Nang tinulungan ni Haring Midas ang hindi kilalang tao(Silenus) at tinanggap ng buo sa kaharian

     Ang mga pasya ni Haring Midas gaya nalang ng kanyang hiling.

      Pinagsisihan ni Midas ang hiling niya sapagkat walang katumbas na yaman ang tunay na kaligayahan

4. TEMA O PAKSA NG AKDA

•      Ang pangunahing paksa sa akda ay pumili o magdesisyon ng tama upang mailagay sa tamang landas ang iyong buhay, kung hindi mo ito magagawa maaring ikasira ito ng iyong buhay.  Gaya na lang sa mito, simula pa lang ay nagkamali na agad si Midas sa kanyang hiling at hindi alam ang pananagutan o kapalit nito at ipinakita rin ang maling pagpili sa hindi niya pagpanig kay Apollo.

5.MGA TAUHAN/KARAKTER SA AKDA

•      Ang mga karakter sa nasabing akda ay batay sa mga paniniwala ng mga Griyego; ang mga Diyos at Diyosa at mga taong may taglay na kapangyarihang supernatural. Ngunit ang mga pag-uugali o katangian ng mga karakter ay nahahango sa totoong buhay. Gaya nalang ng kahangalan ni Midas,kinatatakutan na si Apollo,Marunong magtanaw ng utang na loob katulad ni Dionysus at marami pang iba.

6. TAGPUAN/PANAHON

•      Ang tagpuan sa akda ay masasabi nating nangyari noong unang panahon . Gaya nga ng pagsuri kanina, ang mito ay sinasabing isa sa mga pinakamatandang panitikan. Ang kultura noong mga panahong iyon ay kailangang pangalagaan at tuklasin. Ang mga lugar sa mitong ito’y base sa mga lugar sa tunay na mundo gaya nalang ng Ilog Pactolus.

7.NILALAMAN O BALANGKAS NG MGA PANGYAYARI

•      Isa pong gasgas na pangyayari ang inilahad, at para sa amin wala naming kakaibang taglay sa kwento, sa kadahilanan na iisa lamang ang pinagiikutan ng kwento ; Na kung saan gusto ni Midas na kung ano man ang kanyang hawakan ay magiging ginto. Wala namang naiiba o bago sa kwento dahil tanging si Haring Midas lang ang iniikutan nito na nakalagay na mismo sa titulo. Nabuo ang balangkas ng akda dahil sa hiling ni Midas, ito ay may kaisahan sapagkat pinapakita ditto ang mga pagdedesisyon ni Midas na naging dahilan ng maling pag-ikot ng kanyang buhay. Marami kaming natutunan sa akda dala ng mga kaisipang nakapaloob dito .

8. MGA KAISIPAN O IDEYANG TAGLAY NG AKDA

Ang mga sumusunod ay mga ideya o kaisipang nakapaloob sa mito:

•      Maging maingat sa pagpili  at pagdedesisyon sa buhay

•      Ang pagiging sakim ay hindi nakabubuti

•      Walang sikretong hindi nabubunyag.

•      Hindi matutumbasan ng ano mang yaman ang tunay na kaligayahan

Ang mga kaisipang ito’y nangyayari sa totoong buhay at ito’y mga katotohanan na magiging gabay ng mga mambabasa.

9.ESTILO NG PAGKAKASULAT NG AKDA

•      Sa aming pananaw, ang estilo ng pagsusulat sa kwento ni "haring midas" ay malinaw at walang bias sa ka- dahilan-an na ito'y naisaad ng maayos at maiintindihan. Sakto lamang sa panlasa ng mga mambabasa dahil din sa mga aral na mapupulot natin ditto. Mahusay at masining ang paggawa ng akda sapagkat ang akdang ito’y nakaimpluwensya na sa maraming manunulat o kuwento.

10.BUOD

•      Si Haring Midas ay mabait at hari ng lupain ng mga rosas, isang araw tinulungan niya ang isang lasing na napadpad sa kanyang kaharian. Nang mabalitaan ni Dionysus(diyos ng alak) ang mga nangyari, nagpabuya siya kay Midas sa pagtulong niya kay Silenus ,tagasunod ni Dionysus. Hiniling ni Midas na ang kahit na anong hawakan niya ay magiging ginto. Sa pagsisisi ni midas sa kanyang kahilingan , nagmamakaawa siya kay Dionysus na ipawalang bisa ito.

Sa Gayon, pinapunta siya sa Ilog ng Pactolus at hugasan ang kanyang mga kamay. Hindi nagtagal pinarusahan ni Apollo si Midas dahil sa kanyang hindi pagpanig sa kanya. Ginawang tainga ng mga asno ang tenga ni Haring Midas. Nang lumipas ang maraming araw, kumalat sa lugar na “ si Haring Midas ay may tainga tulad ng mga asno”.

Ang pagsusuri sa taas ay hatid sainyo ng pangkat pito(7) ng 10- Uranium ng Pamantasan ng Silangan.